Օգ․ 2023թ-Օգ․ 2024թ Ոռոգում՝ հանուն դիմակայունության

Это изображение имеет пустой атрибут alt; его имя файла - image.png
Это изображение имеет пустой атрибут alt; его имя файла - image-1.png

Ծրագիրը նպատակ ուներ ապահովել Սյունիքի մարզի Տեղ սահմանամերձ գյուղը ոռոգման ջրով՝ նպաստելով ավելի արդյունավետ և կայուն գյուղատնտեսության զարգացմանը և բարելավելով բնակիչների սոցիալական պայմանները։

Ռազմական գործողությունների հետևանքով գյուղը կորցրել էր իր հողատարածքների մեծ մասը, իսկ մնացածը չէին ոռոգվում, ինչը հանգեցնում էր բնակիչների եկամուտների նվազմանը։ «Ուրբան հիմնադրամը» համագործակցեց ՄԱԿ-ի Գլոբալ էկոլոգիական հիմնադրամի Փոքր դրամաշնորհների ծրագրի (ԳԷՀ ՓԴԾ) հետ՝ նախաձեռնելով մի ծրագիր, որը նախատեսում էր ոռոգել ավելի քան 330 հա տարածք՝ օգտագործելով Որոտանի ջրատարի ջուրը, որը վերջանում էր մոտակա կիրճում։

ԳԷՀ ՓԴԾ-ն աջակցեց այս նախաձեռնությանը՝ կառուցելով փականային խուցը, տեղադրելով 13 կվ հզորությամբ արևային վահանակներ՝ ապահովելու վերականգնվող էներգիայի մի մասը, և վերակառուցելով 80մ³ ճնշման կարգավորիչ ջրամբարը՝ հիդրոմեկուսացնելով այն և տեղադրելով լողանային փական։

Այս քայլերը լրացրին կառավարության և այլ դոնորների ներդրումները։ 300,000 ԱՄՆ դոլար սուբվենցիայի միջոցով համայնքը կառուցեց 900 մ երկարությամբ ջրատար՝ ջուրը հասցնելու համար 5,000 մ երկարությամբ վերանորոգված ներքին բաշխման ցանցին։ Քանի որ գյուղը բարձրադիր է, ԱՄՆ ՄԶԳ-ն աջակցեց 100 լ/վրկ հզորությամբ էներգաարդյունավետ պոմպերի տեղադրմանը։ Պոմպակայանը կառուցվեց Լիտվայի դեսպանատան կողմից՝ ԵՄ «Կայուն Սյունիք» նախաձեռնության շրջանակներում։

Արդյունքում, մոտ 300 ընտանիք ստացավ բավարար ջուր՝ կայուն գյուղատնտեսությամբ զբաղվելու համար։ Տեղ գյուղի ոռոգման խնդիրը ամբողջությամբ լուծվեց։

Ֆինանսավորում․ ՄԱԿ-ի Գլոբալ էկոլոգիական հիմնադրամի Փոքր դրամաշնորհների ծրագրի (ԳԷՀ ՓԴԾ)

Իրականացում․ «Ուրբան» կայուն զարգացման հիմնադրամ և Տեղի համայնքապետարան

Շահառուներ․ Տեղ բնակավայր

CategoryԻնտեգրացված համայնքային զարգացում